സംഭവവുമായി ബന്ധപ്പെട്ട് മഹാരാജാസ് കോളേജ് പ്രിന്സിപ്പല് ഡോ. വി എസ് ജോയിയുടെ മൊഴി പോലീസ് രേഖപ്പെടുത്തി. ഏറണാകുളം ജില്ലാ ക്രൈം ബ്രാഞ്ച് എസിപി പയസ് ജോര്ജിന്റെ നേതൃത്വത്തിലുള്ള അന്വേഷണ സംഘമാണ് മൊഴി രേഖപ്പെടുത്തിയത്. ആര്ക്കിയോളജി വകുപ്പ് കോഡിനേറ്റര് ഡോ. വിനോദിന്റെ മൊഴിയും അന്വേഷണ സംഘം ഉടന് രേഖപ്പെടുത്തും.
അഞ്ചുദിവസങ്ങളായി മാധ്യമങ്ങള് വേട്ടയാടിയത് യാതൊരു തെളിവുമില്ലാതെയാണെന്ന് എസ് എഫ് ഐ സംസ്ഥാന സെക്രട്ടറി പി എം ആര്ഷോ. സംഭവത്തില് സമഗ്രമായ അന്വേഷണം വേണമെന്നും ആര്ഷോ ആവശ്യപ്പെട്ടു. പൊതുസമൂഹത്തിന് മുന്നില് ഒരു സംഘടനയെ ഇല്ലായ്മ ചെയ്യാനുമുള്ള ശ്രമമാണ് നടന്നത്.